[Enca 2] Kabanata 4: Ang Hula kay Ybrahim

Thursday, February 23, 2006

sa pamilihan

nasa pamilihan malapit sa punjabwe sina wahid at ybrahim. bumili si wahid ng panea. iniabot niya ito kay ybrahim. si ybrahim may hawak na isang gamit. namataan niya na ipinagbibili

wahid: mahal na hari (inaabot ang panea, nakita ang hawak ni ybrahim) di ba isa iyan sa mga gamit nyo?

ybrahim: saan mo nakuha ito (kinausap nya yung nagtitinda nung gamit)

tindera: ibenenta lang sa akin yan. hindi ko kilala kung sino?

wahid:  sinungaling!

binunot ni wahid ang kanyang armas pero pinigilan siya ni ybrahim. natakot ang tindera.

ybrahim: bibilhin ko sayo ito at dodoblehin ko pa ang ginto kung sasabihin mo sa akin kung sino ang nagbenta sa’yo nito.

tindera: hindi ko talaga alam. 

wahid: mahal na hari ako na ang magbibigay ng leksyon sa kanya.  baka sakaling magtapat siya ng totoo.

ybrahim (pinigil niya si wahid): hindi na kailangan wahid pagkat may pakiramdam akong malapit na nating makita ang nagnakaw sa akin.

sa di kalayuan, nakatanaw pala kina ybrahim sina luntian at violeta. nangangamba sila.

 

sa bahaghari, sasakyan ng mga punjabwe

pinaguusapan ni rosas at dilawan si azulan.

dilawan: isang engkantada?
rosas: oo, isang engkantada ang tinulungan niya kanina. amihan ang pangalan niya. kung nakita mo lang,. titig na titig si azulan at mukhang nabighani na sa isang engkantada
dilawan: mukhang umiibig na muli si azulan
rosas: sana nga dilawan, ng saganun ay malimutan na niya ang unang babaeng inibig niya na nagbigay pasakit sa kanya. hindi karapat-dapat ang babaeng yun.minahal siyang lubos ni azulan ngunit iniwan niya ito at ipinagpalit pa sa iba. ako ang unang matutuwa kung sakaling umibig muli si azulan. para maging masaya na siya.

dumating sina luntian at violeta, humahangos parang hinahabol

luntian at violeta: rosas, asan si azulan?

dilawan: siya ay nagpapahinga sa kanyang silid.

violeta: kinakailangan natin siyang gisinging

luntian: pagkat may dala kaming masamang balita

rosas: anong masamang balita?

violeta: may naghahanap sa atin

luntian: ang hari ng sapiro
 
luntian at violeta (sabay na sabay talaga, maiyak-iyak na sila): ipinagtatanong tayo

dilawan: maaring nais niya kayong parusahan sa inyong ginawa, ang pagnanakaw

rosas: ang mga dugong bughaw nga naman, hindi sila makakapayag na sila’y maisahan. tayo na ipaalam na natin ito kay azulan.

tinungo nila si azulan. naiwan si dilawan na napapalatak. 

 

hera andal ruins

patuloy na nage-ensayo sina avria at juvila. si odessa ay nakahiga at binabantayan ni andora.

andora: mahal na reyna, juvila, pagmasdan ninyo si odessa

nagliliwanag at malaki na ang sinapupunan ni odessa 

juvila: mabilis nang lumaki ang kanyang sinapupunan. 

avria: tunay nga ang sinabi ni bathalumang ether. tila nagmamadali ang iyong anak sa naantala niyang pagsilang.

odessa: gustong-gusto ko na siyang makita, reyna avria. gustong-gusto ko ng masilayan ang anak namin ni alexus at alam ko hindi magwawakas ang araw na ito isisilang ko sya alam ko

nasa anyo ng ibang heran ang pagaalala habang minamasdan nila si odessa.

 

sa kagubatan 

minamatyagan nila azulan at kambal sina wahid at ybrahim. naramdaman ito ni ybrahim at napalingon siya sa pinagtataguan nila pero agad nakapagtago ang mga punjabwe

ybrahim: maghanda ka wahid mukhang mapapalaban tayo

mabilis na umalis sina wahid at ybrahim. lumabas sa pinagtataguan sina luntian at violeta.

violeta: saan sila nagpunta?
luntian: ewan ko
violeta: ewan ko sayo
luntian: ikaw marahil ang may kasalanan nito eh

nagsisisihan ang dalawa ng sa kanilang likuran ay sumulpot sina wahid at ybrahim

wahid: sheda!
ybrahim: bakit nyo kami sinusundan?

hindi sumagot ang kambal at sinugod nila si ybrahim at wahid. nasalag ni ybrahim at wahid ang sugod nila. Biglang lumitaw si azulan.

azulan: hari ng sapiro hinahanap mo raw ako

kumalas sila wahid at ybrahim sa pagkakasalag nila sa kambal at nilapitan si azulan.

ybrahim: ikaw marahil ang nanloob sa aking kaharian
azulan: ako nga mahal na hari nagustuhan mo ba ang ginawa ko?

sa silid ni cassandra

pinagmamasdan ni cassandra ang nabasag na bolang crystal. umiiyak siya. naabutan ito ni alena. nagaalalang lumapit si alena

alena: cassandra… bakit ka umiiyak? bakit may bubog? (nakita niya ang sugat ni cassandra at hawak nitong bubog) ano ang nangyari dito? sayo ba ito? (tumango si cassandra) cassandra magwika ka

cassandra: laruan ko yan yla alena. bigay sa akin yan ni ynang reyna. sabi niya sa akin lahat daw ng hiling ko ay matutupad pero hindi na iyon mangyayari ngayon pagkat nabasag ko na ang sarili kong laruan.

 

sa kagubatan

ybrahim: lapastangan ka!

sinugod si ybrahim ni azulan pero nasalag niya ito. naglaban sila.
sinugod ng kambal si wahid. nilabanan niya ang mga ito. natalo ni wahid ang kambal (heheh sa laki ba naman ni wahid eh)

natalo ni ybrahim si azulan. nasugatan niya sa isang braso si azulan at napaupo ito. inaangat ni ybrahim ang balabal ni azulan at nagliwanag ang tattoo na nasa braso ni azulan.

 

sa silid ni cassandra

niyakap ni alena si cassandra umiiyak pa rin ito
alena: bakit mahal ko ano ba ang nais mong hilingin sa nabasag mong laruan
cassandra: gusto ko ng pumunta sa devas parang si yla cassiopea.gusto ko ng makapiling ang aking ina
alena: cassandra…tama na…

niyakap niya ng mahigpit si cassandra. awang-awa siya sa bata.

 

sa kagubatan

natalo ni ybrahim si azulan. nasugatan niya sa isang braso si azulan at napaupo ito. inaangat ni ybrahim ang balabal ni azulan at nagliwanag ang tattoo na nasa braso ni azulan.

ybrahim: sa sasusunod buong braso mo na ang tatapyasin ko

nagalit si azulan. tumayo ito at sinugod muli si ybrahim. na-corner niya si ybrahim

azulan: at sa susunod siguradong hahalik ka sa lupa. pashnea ka!

sinipa niya si ybrahim. napahandusay ito.  tinungo ni azulan ang kambal. tumayo si ybrahim kaagad. binugahan ng blue dust ni azulan si wahid. nag-iwan siya ng bomba at tumakas na sila. hindi nakahabol sina ybrahim.

ybrahim: pashnea! 

dumating si rosas nagsisigaw, as usual para lansihin sina ybrahim

rosas: mahal na hari ikinagagalak ko kayong makita

ybrahim: tumahimik ka! 

natahimik si rosas.

sa sapiro

tahimik sa isang lugar si amihan, wari’y may iniisip. nilapitan siya ni alena

alena: mag-isa ka amihan?
amihan: naisip ko lamang ang pagkamatay ni cassiopea.hindi ko lubos maiisip kung sino ang may kagagawan nito. sana nga ay mali ang akala ni pirena. sana nga ay walang kauganayan ang pagkamatay ni cassiopea, ang pagkawala ni evades sa mga naganap na unos dito sa encantadia
alena: mahirap man isipin ang isang masalimuot na bagay katulad ng pagkamatay ng unang reyna  ngunit may isang mas payak na suliranin na nangangailangan ng agarang paglutas
amihan: ano iyon?
alena: si cassandra, tunay na nga siyang lumalaki. unti-unti na niyang hinahanap ang pagkalinga ng kanyang ina.

nalungkot, nabahala si amihan. napayuko siya.

sa labas ng ruins ng hera andal

avria: sina andora at juvila ang nag aasikaso kay odessa. inaantabayan nila ang panganganak nito.

ether: isang bagong heran ang mabubuhay dito sa encantadia. magandang senyales ito.

dumating ang nakamaskarang nilalang na pumatay kay cassiopea. yumukod ito kina avria at ether

avria: sino sya mahal na bathaluman?
ether: pagdating nga takdang panahon ay makikilala mo rin kung sino siya

umalis na si ether kasama si maskman. nag-orb out sila. naiwang nag-iisip si avria.

 

ruins ng hera andal

pinakikiramdaman ni odessa ang kanyang kalagayan. nilapitan siya ni andora

andora: may dala akong prutas. kumain ka. tila malalim ang iniisip mo.
odessa: si alexus, nais ko sanang makita siyang muli.
andora: hindi pa napapanahon odessa.pigilan mo muna ang sarili mo. walang dapat na makaalam na naririto tayo lalo na ang sapiryan na iyon.
odessa: ngunit…kailangan niyang malaman na magkakaanak na kami,,,andora maaawa siya sa akin at hindi niya ako pababayaan.

akmang aalis si odessa pero pinigil siya ni andora

andora: hindi ka maaring umalis
odessa: andora, bitawan mo ako…andora pakawalan mo ako  (nagpupumiglas siya)
andora: hindi ka maaring umalis (pinaupo niya si odessa)
odessa: ahh,
andora: odessa
odessa: ah andora panahon na isisilang ko na ang anak ko.

nagliwanag ang sinapupunan ni odessa.

 

sa pamilihan

nagiinuman sina ybrahim at wahid

ybrahim: hindi pa rin ako makapaniwal na isang hamak na magnanakaw lamang ang makakatakas sa akin. pashnea..lalo lamang niyang dinadagdagan ang kasalanan niya sa akin.

wahid: hindi lamang sa inyo mahal na hari. tingnan naman ninyo ang ginawa sa akin. ang laki kung nilalang pinaglaruan ako.

ybrahim: tama na yan wahid. tara na. bumalik na tayo sa sapiro.

tumayo na sila sa kanilang mesa at paalis na sila ng hinarang sila ni rosas.

rosas: mahal na hari naririto pa pala kayo. hindi ako makapaniwalang tayo’y muling nagtagpo

ybrahim to wahid (bumubulong): sino bang engkantadang ito at lagi nating nakakasalamuha.
wahid: isa raw syang engkantadang maaring makakita ng kapalaran
ybrahim: isang manghuhula..hmm..mukha siyang isang manloloko para sa akin hindi manghuhula.
rosas: nakikita ko sa iyong kapalaran na muli mo makakasagupa ang iyong hinahanap na pashnea

 

sa silid ni cassandra 

nagtungo si amihan. naabutan niyang gising pa ito.

amihan: cassandra…
cassandra: yla amihan
amihan: bakit gising ka pa?
cassandra: hindi pa po ako dinadalaw ng antok eh..
amihan: hindi ka pa dinadalaw ng antok? sige magpahinga ka na…sasamahan kita rito hanggang sa ikaw’y makatulog.

pinahiga na niya si cassandra

amihan: alam mo sa mga sandaling ganito naalala ko ang iyong ina sapagkat nung kami’y magkasama pa lagi ko rin sinasamahan ang iyong ina hanggang sa siya ay makatulog lagi kong hinahaplos ang kanyang mahabang buhok at kasabay nito umaawit siya. inaawitan niya ako
cassandra: anong awit iyon yla? nais kong marinig. gusto kong malaman
amihan: hindi ako magaling tulad ng iyong yla alena sa pagkanta cassandra
cassandra: kahit na yla gusto kong marinig ang tinig ng kanyang ina.
amihan: sige susubukan ko…

sa pangarap lang makakamtan ang inaasam
sa pangarap lang malalasap ang sarap nitong aking buhay

sa pamilihan

ybrahim: saan at kelan ko siya makikita?
rosas: hindi sinasabi rito (sabay tingin sa mga nakalutang na baraha)
ybrahim: nakita mo na isa nga siyang manloloko.
rosas: hintay haring ybrahim may iba akong nakikita sa iyong kapalaran. isang kahindik-hindik na kapalaran. isang kapalarang puno ng hinagpis
ybrahim: ano pa ang iyong nakikita?
rosas: isa sa inyong mga dugong bughaw ang mamatay…isa sa inyong mga dugong bughaw.. ang di na magtatagal dito sa encantadia

nababahalang nilapitan ni wahid si rosas. mataman lang nakatingin si ybrahim. mukhang kinakantiya kung nagsasabi ng katotohan ang manghuhula.

sa silid ni cassandra 

si amihan pilit na itinutuloy ang kanyang pag-awit kay cassandra. hindi niya maituloy ito, nalulungkot siya…

amihan: sa pag-aawit. sa pangarap lang maghihintay… sa pangarap…aking mahal.  hmmm
cassandra: bakit yla? (napabangon ito)
amihan: wala cassandra nakalimuta ko na ang kanta. matagal na kasing panahon wala ang iyong ina. ipagpaumanhin mo na ang iyong yla. sige matulog ka na.

Hinaplos na lamang ni amihan ang buhok ni cassandra. Malungkot na malungkot siya at umiiyak. Naalala niya si Lira. (background music yung kanta ni Lira. hayyy, touching ang moment na ito at nakakaiyak) 

 

sa pamilihan

ybrahim: ano ang iyong nakita? sino sa aming dugong bughaw ang mamamatay?

rosas: hindi ko gusto ang aking nakikita paumanhin ngunit ayaw ko na pong magsalita.

nilapitan siya ni ybrahim at hinawakan siya ni wahid

ybrahim:  nais kong makita at inuutusan kita sabihin mo sa akin kung ano ang iyong nakikita.
rosas: kilala ko kung sino sa inyong mga dugong bughaw ang mamatay mahal na hari
ybrahim: sino?
rosas: ikaw.. ikaw ang nakatakdang mamatay….

itutuloy… 

 

ABANGAN BUKAS…. 

si amihan naglalakad sa hardin. minamatyagan siya nila azulan at ng kambal
azulan: yan ang engkantadang sinasabi ko. napakaganda niya di ba?
violeta: may dugong bughaw ang diwatang yan azulan dati siyang reyna ng lireo
luntian: napakatayog ng engkantadang nagugustuhan mo.

….

magkausap si pirena at amihan
amihan: mailap sa ating mga sang’gre  ang kaligayahan kung kaya’t tama na sa akin si cassandra. sapat na sa akin ang encantadia. sila lang ang mamahalin ko.

….

nanganganak si odessa.
andora: sige odessa. konti na lang at lalabas na ang anak mo

nailabas na niya ang anak niya.
odessa: ano ang kasarian niya andora?
andora: isa siyang lalaki

karga ni odessa ang kanyang anak
odessa: kamukhang-kamukha siya ng kanyang ama

nababahalang pinagmasdan nila andora at juvila si odessa.

….

rosas (gulat na gulat): mahabaging bathala
wahid: bakit ano ang nakikita mo? sino ang papaslang sa aking hari
rosas: walang iba kundi…

…..

nawawala ang anak ni odessa
odessa: asan ang anak ko?
juvila: bakit sa akin mo hinahanap?
odessa: nawawala ang anak ko? asan ang anak ko? (umiiyak) ilabas nyo ang anak ko!

…..

may kargang sanggol si pirena. pinatatahan niya ito habang pinagmamasdan siya ni apek at muros

….

nakabalik na ng sapiro sina wahid at ybrahim
alena: hula? anong hula?
wahid: mamamatay raw si haring ybrahim

nagaalala ang mukhan ni alena.